ભગવાન શ્રી સ્વામિનારાયણ જે ભૂમિ પર અસંખ્ય વખત પધાર્યા અને જ્યાં સૌ ગ્રામજનોને સદાચાર, સ્નેહ અને સત્સંગથી તરબોળ કર્યાં, જ્યાં ભક્તોનાં તૂટતાં મોભ પોતાનાં ખભે ઉંચકી લઈ માનવજીવન અને અબોલ પશુઓની સુદ્ધાં રક્ષા કરી, જ્યાં 203 વર્ષ પૂર્વે ભક્તિ અને જ્ઞાનનાં વચનામૃતો કહી સૌને અપાર આધ્યાત્મિક સમજણ આપી, જ્યાં ભારતીય સનાતન પરંપરાનાં ઉત્સવોમાંથી દૂષણ કાઢી પારંપારિક ફૂલદોલ ઉત્સવ ઉજવવાનો આરંભ કર્યો, જ્યાં ગ્રામજનોને અભયદાન આપ્યું કેઃ આ ગામની સીમા સુધી કોઇનું મૃત્યુ થશે તેને ક્યારેય જમનુંતેડું નહિ આવે,

જ્યાં સ્ત્રી ભક્તોને આધ્યાત્મ વિશ્વમાં અમર કહેવાય તેવાં વરદાન આપ્યાં, તે ગુજરાતનાં આ નાનકડાં ગામને તીર્થધામ બનાવ્યું, તેવાં પુણ્ય, પાવન અને પ્રસાદીરુપ તીર્થધામ સાળંગપુરમાં શ્રી કષ્ટભંજનદેવ હનુમાનજી – સાળંગપુરધામનાં 175 વર્ષનાં પુણ્ય અવસરે શ્રી સ્વામિનારાયણ મંદિર વડતાલધામ સંચાલિત, શ્રી કષ્ટભંજનદેવ હનુમાનજી મંદિર સાળંગપુર આયોજીત શ્રી સાળંગપુરધામ શતામૃત મહોત્સવમાં પધારવા આપ સૌને આમંત્રણ છે.